Ռուսական «Աերոֆլոտ» ավիաընկերությունը 2016-ի մարտի 26-ից դադարեցրել է կանոնավոր չվերթները Ղազախստան: Gazeta.ru-ի փոխանցմամբ` այս մասին հաղորդվում է ռուսական ավիափոխադրողի կայքում:
Ինչպես ասվում է ավիաընկերության հաղորդագրության մեջ` այդ հարկադիր քայլը պայմանավորվել է նրանով, որ Ղազախստանի մայրաքաղաքից դեռ չի ներկայացվել սպասված փաստաթղթային թույլտվությունը` կապված մարտի 27-ից մեկնարկող ամառային չվացուցակով թռիչքներ իրականացնելու հետ:
Հաղորդվում է, որ ընկերությունը կանոնավոր չվերթներ ունի նախատեսված Մոսկվայից դեպի Ղազախստանի մի շարք քաղաքներ: