Ինչպես յուրաքանչյուր տաղավար տոնի հաջորդ օրը, այսօր` Սուրբ Հարության տոնից հետո մեռելոց է` ննջեցյալներին այցելության օր:
Ընդունված է համարել, որ հավատով ի Քրիստոս ննջածները մեզ` ողջերիս, այս օրը տոնակից են լինում, բարեխոսում են մեզ համար, և նրանց աղոթքները ելնում է Աստծու առջև (տե՛ս Հայտ. Ը 4). տեղեկացնում է ter-hambardzum.net-ը։
Այդ պատճառով, տաղավար տոների հաջորդ օրը, եկեղեցիներում մատուցվում է Սուրբ պատարագ և հոգեհանգստյան պաշտոն՝ բոլոր նրանց համար, ովքեր ճշմարիտ և սուրբ հավատով ննջեցին ի Քրիստոս, և պատարագի մեջ, Աստծու առջև, հիշատակվում են նրանց անունները, ինչպես Սողոմոնը հիշատակեց իր հոր՝ Դավթի անունը (տե՛ս Բ Մնաց. Զ 42):
