Չինաստանի արտաքին քաղաքական գերատեսչությունը Ղարաբաղյան հակամարտության կողմերին կոչ է արել զսպվածություն դրսևորել ու խաղաղ բանակցային ճանապարհով կարգավորել հակամարտությունը:
Ինչպես նշում է ria.ru-ն, այս մասին հայտնել է Չինաստանի ԱԳՆ-ի պաշտոնական ներկայացուցիչ Հուն Լեյը` ամենօրյա ճեպազրույցի ժամանակ:
«Մենք լիահույս ենք, որ հակամարտող կողմերը զսպվածություն ու հանգստություն կդրսևորեն և ստեղծված իրավիճակը կլուծեն խաղաղ բանակցությունների ճանապարհով»,- ասել է ԱԳՆ-ի ներկայացուցիչը: