Վրաստանում խորհրդարանական ընտրությունները նշանակվել են 2016 թվականի հոկտեմբերի 8-ին: Այդ մասին հայտարարել է երկրի նախագահ Գեորգի Մարգվելաշվիլին, հաղորդում է BBC-ի ռուսական ծառայությունը:
«Համապատասխան փաստաթղթերը Վրաստանի վարչապետին կուղարկվեն վաղը»,- ասել է նախագահը երկրի վարչապետ Գեորգի Կվիրիկաշվիլիի հետ հանդիպումից հետո:
Վրաստանի խորհրդարանի պատգամավորներն ընտրվում են չորս տարի ժամկետով: Նախորդ խորհրդարանական ընտրությունները տեղի են ունեցել 2012 թվականին և բերել են երկրում իշխանափոխության:
Միլիարդատեր Բիձինա Իվանիշվիլիի շուրջ միավորված «Վրացական երազանք» կոալիցիայի մաս կազմող Վրաստանի Հանրապետական կուսակցությունն արդեն հայտարարել է, որ հաջորդ ընտրություններին կմասնակցի ինքնուրույն, այլ ոչ իշխող կոալիցիայի կազմում գործընկերների հետ:
Իվանիշվիլիի հիմնադրված «Վրացական երազանք-Ժողովրդավարական Վրաստան» կուսակցությունը, որն ամենամեծն է կոալիցիայում, նույնպես մտադիր է ընտրություններին առանձին մասնակցել: