ԱՄՆ-ի Վիրջինիա նահանգի գերագույն դատարանը վճռել է, որ նախկին նավաստի Կիթ Ալեն Հարվարդը, ով մեղադրվել է մի տղամարդու սպանության ու նրա կնոջ բռնաբարության համար, սխալմամբ է դատապարտվել ազատազրկման:
Ինչպես նշում է korrespondent.net-ը, հանցագործությունն իրականացվել է դեռևս 1982թ.: Սակայն նոր անցկացված հետաքննության արդյունքները վկայում են, որ Հարվարդի անալիզները չեն համընկնում զոհի վրա հայտնաբերված հետքերի հետ:
Արդյունքում քննիչները հանգել են այն տեսակետին, որ հանցագործությունն իրագործել է Հարվարդի ընկերը` Ջերոթի Քրոտին։ Սակայն վերջինիս չի հաջողվի պատասխանատվության ենթարկել, քանի որ նա մահացել է 10 տարի առաջ` Օհայո նահանգի բանտերից մեկում։