Ռուս քաղաքագետ, Միջազգային հարցերով ռուսական խորհրդի փորձագետ Սերգեյ Մարկեդոնովը մեկնաբանել է Ադրբեջանին զենք մատակարարելու մասին ՌԴ փոխվարչապետ Դմիտրի Ռոգոզինի հայտարարությունը` որպես իր խոսքի բնաբան մեջբերելով «Երբեմն ավելի լավ է ծամել, քան խոսել» արտահայտությունը գովազդից:
Նախօրեին Դմիտրի Ռոգոզինը հայտարարել էր, որ Ռուսաստանը կշարունակի զենք մատակարարել Ադրբեջանին պայմանագրերին համապատասխան, ինչպես իր ռազմավարական գործընկերոջը:
«Ովքեր հետևում են Կովկասի հարցերով իմ ելույթներին, ծանոթ են ընկալման անհամաչափության մասին իմ սիրելի թեզին: Այն, ինչ մեզ մոտ ասում է ՌԴ նախագահի 25-րդ օգնականի 3-րդ օգնականը breaking news է դառնում Վրաստանում, Հայաստանում և Ադրբեջանում: Այսօր այդ թեզը հաստատվել է Բաքվին սպառազինում մատակարարելու մասին Ռոգոզինի արտահայտություններով», - geoclub.info-ի փոխանցմամբ` Մարկեդոնովը գրել է Facebook-ի իր էջում:
«Ես դեմ եմ Ադրբեջանի հետ հարաբերություններ զարգացնելուն և դեմ եմ նրա հետ պատերազմելուն (համենայն դեպս, մինչև այդ երկրի արտաքին քաղաքականության արմատական փոփոխությունը): Ասում եմ սա` անկախ Ադրբեջանի ԱԳՆ-ի կողմից ինձ շնորհված «պերսոնա նոն գրատա» կարգավիճակից», - հավելել է փորձագետը: