Կանադացի սենատոր Թհան Հայ Նգոն հայտարարությամբ է հանդես եկել` կոչ անելով Լեռնային Ղարաբաղի հակամարտությանը խաղաղ լուծում տալ: Սենատորի հայտարարությունը հրապարակել է Horizon Weekly պարբերականը:
«Զինված բախումները Լեռնային Ղարաբաղի սահմանին, որ սրվեցին ապրիլի առաջին շաբաթում, խոր մտահոգության տեղիք են տալիս:
Ադրբեջանի նախաձեռնած բռնությունն ու հարձակումները հանգեցրին 1994-ին կնքված հրադադարից ի վեր տեղի ունեցած ամենալարված իրավիճակին:
Խորապես համոզված եմ, որ խաղաղ կարգավորման պետք է հասնել ԵԱՀԿ Մինսկի խմբի շրջանակներում շարունակական երկխոսությունների միջոցով:
Կանադայի կառավարությունը պետք է աջակցի ԵԱՀԿ Մինսկի խմբի աշխատանքին՝ դատապարտելով զինված ագրեսիան, պահանջել պատասխանատվության ենթարկելը, աջակցել իրական հրադադարի կայացմանը»: