Թուրքիայի դատարանը հաստատել է ռուսական Sputnik լրատվական գործակալության արգելափակման որոշումը, որն ավելի վաղ կայացրել էր Թուրքիայի կապի և հեռահաղորդակցության վարչությունը. տեղեկացնում է РИА Новости գործակալությունը։
Ավելի վաղ հաղորդվել էր, որ ապրիլի 14-ի երեկոյան Թուրքիայում արգելափակվել է գործակալության կայքը։
Հեռահաղորդակցության և կապի վարչությունից հայտնել էին, որ արգելափակումը ժամանակավոր է, իսկ վերջնական որոշումը կայացնելու է դատարանը։
Sputnik գործակալության գլխավոր խմբագիր Մարգարիտա Սիմոնյանը հայտարարել է, որ Թուրքիայի իշխանությունների որոշումը գրաքննության դրսևորում է։