Գրոսմայստերներ Կարեն Գրիգորյանը եւ Կարեն Մովսիսյանը մայիսի 1-ին կմասնակցեն Իսպանիայում կայանալիք «Սիուտատ դե Մոնտոլես» արագ շախմատի մրցաշարին,- տեղեկացնում է Հայաստանի Շախմատի Ֆեդերացիայի պաշտոնական կայքը:
Մրցաշարին մասնակցում են 10 երկրների 106 շախմատիստներ, այդ թվում 9 գրոսմայստերներ և 5 միջազգային վարպետներ:
Մասնակիցների թվում է նաև Պերուացի հանրահայտ գրոսմայստեր Խուլիո Գրանդա Զունիգան:
Մրցաշարի ավարտից հետո Գրիգորյանը կուղևորվի Մոնտենեգրո, որտեղ կմասնակցի «Ցետինյե 2016» բաց մրցաշարին: