Հայաստանի Բարձրագույն խմբի առաջնության 24-րդ տուրում երեկ «Շիրակը» հյուրընկալվելիս 4:1 հաշվով հաղթեց «Միկային»: Գյումրու թիմի գլխավոր մարզիչ Վարդան Բիչախչյանն armsport.am-ի հետ զրույցում խոսել է կայացած հանդիպման մանրամասների, ինչպես նաև առաջիկա տուրի մասին:
««Միկայի» հետ հանդիպման սկիզբը բավակաին հաջող դասավորվեց: Արագ գոլը թույլ տվեց հետագա գործողություններն ավելի ճիշտ կազմակերպել: Բացի այդ, մենք կարողացանք լավ հակագրոհել: 4 գոլ խփեցինք և շատ պահեր ունեինք. հաշվի առնելով դա՝ թիմի հարձակման խաղը բավարարեց, իսկ պաշտպանությունը չգոհացրեց: Ընդունած գոլից հետո մենք մի շարք հնարավորություններ տվեցինք մրցակցին:
Կարևորն այն է, որ որևէ վնասվածք չեղավ: Այժմ շտ կարևոր շրջան է, յուրաքանչյուր հանդիպում մեծ արժեք ունի:
Վերջին հանդիպումների հաջող շարքը նման է նախորդ տարի այս շրջանում մեր արդյունքներին: Նախորդ առաջնությունում էլ ընթացքում ենք թափ հավաքել, քանի որ նոր ֆուտբոլիստների միջև խաղակցվածությունը կայունացնելու համար ժամանակ է անհրաժեշտ:
Խոսելով «Փյունիկի» դեմ առաջիկա հանդիպման մասին՝ Բիչախչյանը հավելեց. ««Փյունիկի» դեմ հանդիպմանը յուրօրինակ նախապատրաստություն չկա, մեզ համար հերթական հանդիպումն է: Պետք է հաղթել և մեծացնել միավորների տարբերությունը հետապնդողներից»:
↧
Բիչախչյան. Հարձակման գծի խաղը բավականացրեց, բաց պաշտպանները չգոհացրին
↧
