ՄԱԿ-ի գլխավոր քարտուղար Բան Կի Մունը ապրիլի 27-ին Սիրիայի Հալեպ քաղաքում հիվանդանոցի ուղղությամբ հասցված ավիահարվածների համար մեղադրել է Սիրիայի իշխանություններին:
Ինչպես փոխանցում է ТАСС գործակալությունը` այդ մասին նա ասել է Անվտանգության խորհրդի նիստում ունեցած ելույթի ժամանակ` ընդգծելով, որ բոլոր վկայությունները մատնանշում են, որ ավիահարվածները հասցրել է Սիրիայի կառավարությունը:
Բան Կի Մունը ողջունել է Անվտանգության խորհրդի ընդունած բանաձևը զինված հակամարտությունների ժամանակ հիվանդանոցների և բուժանձնակազմի վրա հարձակումները թույլ չտալու վերաբերյալ:
Համաշխարհային կազմակերպության ղեկավարի խոսքով` «կանխամտածված և անմիջական հարձակումները հիվանդանոցների վրա ռազմական հանցագործություն են հանդիսանում» և պետք է դադարեցվեն: Նա նշել է նաև, որ Սիրիայում 2011-ից ի վեր 360 հարձակում է իրականացվել 250 բուժհաստատության վրա, ավելի քան 730 բուժաշխատող է սպանվել: