Մակեդոնիայի մայրաքաղաքում և մի շարք այլ խոշոր քաղաքներում հազարավոր մարդիկ դուրս են եկել փողոցներ` պահանջելով երկրի նախագահ Գեորգե Իվանովի հրաժարականը։
Ակտիվիստները պահանջել են նաև չեղարկել նախագահի ապրիլի 12-ի հրամանը` մի շարք նախկին և ներկա պաշտոնյաների նկատմամբ սկսված քրեական հետաքննությունների դադարեցման մասին:
Վերջիններս կասկածվում էին երկրի ավելի քան 20.000 քաղաքացիների հեռախոսների գաղտնալսումները կազմակերպելու համար, գրում է ՏԱՍՍ գործակալությունը:
Բողոքի ակցիան կազմակերպել են ընդդիմադիր Սոցիալ-դեմոկրատական միության առաջնորդ Զորան Զաևի կողմնակիցները, ում ակտիվորեն աջակցում են ԱՄՆ-ն և ԵՄ-ն:
Բողոքի ակցիաներ են անցկացվել նաև Պրիլեպ և Բիտոլա քաղաքներում: