Միացյալ Նահանգների նախագահ Բարաք Օբաման պատրաստվում է հայտարարել լեսբուհիներին, գեյերին, բիսեքսուալներին, տրանսգենդերներին նվիրված՝ երկրում առաջին ազգային հուշարձանի կանգնեցման մասին։
Ինչպես նշում է The Telegraph-ը, ըստ ամենայնի՝ այն կկանգնեցվի Նյու Յորքում՝ Գրինվիչ Վիլիջ կոչվող թաղամասում, որտեղ ամեն տարի անցկացվում է միասեռականների շքերթը։
Բրիտանական պարբերականը հավելում է, որ հուշարձանի կանգնեցման վերաբերյալ տեղեկությունը հաստատել են Սպիտակ տան աղբյուրները։
«Հուշարձանը նվիրված է լինելու միասեռականների ու, ընդհանուր առմամբ, ԼԳԲՏ (լեսբուհիներ, գեյեր, բիսեքսուալներ, տրանսգենդերներ) համայնքի իրավունքների պաշտպանությանն ուղղված արշավի մասնակիցներին, ովքեր անձնվեր պայքարել են խտրական վերաբերմունքի դեմ»,-ասել է Դեմոկրատական կուսակցության անդամ Ջերալդ Նադլերը։