Google ընկերության ստեղծած արհեստական ինտելեկտը պատրաստ է սեփական գեղարվեստական գիրքը գրել:
Ինչպես հաղորդում է Корреспондент-ն, այս մասին հայտարարել է ամերիկյան ընկերության ինժեներ Էնդրյու Դեյը, ով զբաղվում է ինքնուս ծրագրերի ստեղծմամբ:
Նրա պնդմամբ` բնական լեզուն ըմբռնելու համար համակարգիչը 2865 վեպ է ուսումնասիրել սիրո մասին: Նման ընտրությունը պատահական չի եղել. բովանդակության նմանությունը թույլ էր տալիս շեշտադրում կատարել լեզվի նրբերանգների վրա:
Դրանից հետո արհեստական ինտելեկտը փորձարկել է ինքնուրույն տեքստեր գրելու գործընթացը: Նոր «ստեղծագործությունները» համակարգիչը համեմատել է արդեն իսկ գոյություն ունեցողների հետ` անընդհատ բարելավելով գրելու ունակությունները:
Դեյի խոսքով` համակարգիչն արդեն ունակ է ամբողջական ինքնուրույն ստեղծագործություն գրելուն: