ԱՄՆ-ի Հարավային Կարոլինա նահանգում 25 տոննա կարտոֆիլ տեղափոխող բեռնատարը վթարի է ենթարկվել, ինչից հետո ամբողջ կարտոֆիլը թափվել է մայրուղու վրա` մի քանի ժամով կաթվածահար անելով երթևեկությունը:
Ինչպես նշում է The New York Daily News-ը, վթարի պատճառը եղել է այն, որ վարորդը ղեկին եղած ժամանակ պատահաբար քնել է ու հարվածել ճանապարհի արգելապատնեշին: Այժմ նա հոսպիտալացված է:
Աղբյուրը մանրամասնում է, որ ճանապարհի մաքրման ու վերաբացման աշխատանքը տևել է մի քանի ժամ: Ինչ վերաբերում է կարտոֆիլին, ապա դրա մեծ մասն այլևս պիտանի չի եղել օգտագործման համար:
