Կրկեսի ծաղրածուներն իրենց ելույթներն առավել հետաքրքիր ու դիտարժան դարձնելու նպատակով հաճախ են հանդիսատեսից որևէ մեկին շոուի մասնակից դարձնում: Սակայն Ուելսում ելույթ ունեցող շրջիկ կրկեսի ծաղրածուներից մեկը` Բենջին, լուրջ վտանգի տակ է դրել իր հետ բեմ դուրս եկած տղամարդու կյանքը, երբ նախապես մտածված հնարքը սխալ ընթացք է ստացել:
Ինչպես նշում է The Daily Mail-ը, փորձելով տպավորել հանդիսատեսին` Բենջին այնպես է վայր գցել 37-ամյա Բեն Գարնհեմին, որ վերջինս տեղում կորցրել է գիտակցությունը: Տեսնելով այդ ամենը` դահլիճում խուճապ է սկսվել, քանի որ շատերը կարծել են, թե տղամարդը մահացել է:
Րոպեներ անց Գարնհեմը հոսպիտալացվել է, որտեղ բժիշկները հայտնել են նրան, որ ծաղրածուի անհաջող հնարքի պատճառով ինքը կարող էր հաշմանդամ մնալ:
Դեպքի առնչությամբ հարուցվել է քրեական գործ:
