Ամերիկյան Չիկագո քաղաքի ռեստորաններից մեկում մատուցում են աղանդերի, թերևս, ամենաինքնատիպ ու տարօրինակ տեսակներից մեկը` հելիում գազով լցված ուտելի փուչիկ:
Ինչպես նշում է Oddity Central-ը, Edible Helium Balloon կոչվող աղանդերը պատրաստվում է խնձորի համով իրիսից, որը հատուկ խողովակի միջոցով փչվում է հելիումով ու վերածվում փուչիկի: Թելը, որով կապվում է փուչիկը, ևս պատրաստված է խնձորի իրիսից:
Աղբյուրը մանրամասնում է, որ աղանդերն ուտելու համար պատվիրատուն պետք է հելիումից մի քիչ ներս քաշի: Հետաքրքրական է, որ դրանից հետո մարդու ձայնը միառժամանակ փոխվում է` նմանվելով մուլտհերոսների ձայներին:
Նշվում է, որ Edible Helium Balloon-ը ռեստորանի շեֆ- խոհարար Գրանդ Աշանցի մտահղացումն է: