Ֆրանսիական ՊՍԺ-ի կիսապաշտպան Մարկո Վերատին ընթացիկ մրցաշրջանի ընթացքում երկրորդ անգամ երկարաձգել է իր պայմանագրի ժամկետն ակումբի հետ,- տեղեկացնում է Lefigaro.fr-ը:
23-ամյա իտալացին սույն թվականի փետրվարին 4-ամյա պայմանագիր էր կնքել ՊՍԺ-ի հետ: Այսօր Վերատին գործող պայմանագրի ժամկետը երկարաձգել է 1 տարով:
«Մենք թարմացրել ենք Մարկոյի պայմանագրի ժամկետը: Նա ցանկանում է կարիերան ավարտել ՊՍԺ-ում: Քաղաքը եւ երկրպագուները նրան հաճույք են պատճառում: Մենք բոլորս միասին ցանկանում ենք հաղթել Չեմպիոնների լիգան»,- ընդգծել է ՊՍԺ-ի նախագահ Նասեր Ալ-Հելաիֆին: