Իսպանիան թույլտվություն չի տրամադրել իր տարածքով Մեծ Բրիտանիայի արտգործնախարար Ֆիլիպ Համոնդին տեղափոխող բրիտանական ռազմական ինքնաթիռի թռիչքի համար: Այդ մասին հայտնել է The Sunday Express թերթը:
Միացյալ Թագավորության և Իսպանիայի միջև հարաբերություններում լարվածությունը հասել է նոր առավելագույնի այն բանից հետո, երբ թագավորական ռազմաօդային ուժերի ինքնաթիռին, որը տեղափոխում էր ֆիլիպ Համոնդին Ջիբրալթար, արգելվել է անցնել Իսպանիայի օդային տարածքով»,- հայտնել է թերթը:
Թերթը գրում է, որ այդ միջադեպը տեղի է ունեցել Ջիբրալթար Մեծ Բրիտանիայի արտաքին քաղաքականության գերատեսչության ղեկավարի պաշտոնական այցի ժամանակ, երբ Համոնդը համոզում էր այդտեղի բնակիչներին ԵՄ-ում Մեծ Բրիտանիայի անդամակցության պահպանման օգտին քվեարկելու անհրաժեշտության մեջ:
Թերթը պնդում է, որ Մեծ Բրիտանիան նախազգուշացրել է Իսպանիայի իշխանություններին, որ ինքնաթիռում Համոնդն է, սակայն այդ տեղեկությունը չի փոխել արգելքի որոշումը: Արդյունքում՝ բրիտանական ինքնաթիռը ստիպված է եղել փոխել ուղեգիծը և թռչել Պորտուգալիայի օդային տարածքով: