«Իսլամական պետություն» ծայրահեղական խմբավորման գրոհայինները մի քանի ժամով հիվանդանոց են գրավել Սիրիայի արևելքում` Դեյր-Էլ-Զոր քաղաքում, հաղորդում է BBC-ի ռուսական ծառայությունը:
Ակտիվիստների տվյալներով՝ մարտերում սպանվել է մոտ 35 կառավարամետ մարտիկ և ԻՊ-ի ավելի քան 20 գրոհային: Մի քանի բժշկական աշխատակից պատանդ է վերցվել:
Բրիտանիայում գտնվող մարդու իրավունքների մոնիթորինգի սիրիական կենտրոնի տվյալներով՝ կառավարական զորքերը վերադարձրել են հիվանդանոցի հսկողությունը մի քանի ժամ տևած կատաղի մարտերից հետո, բայց պատանդների ճակատագրի մասին տվյալներ այժմ չկան: