Հնդկաստանի վարչապետ Նարենդրա Մոդին Twitter սոցցանցում է տեղադրել իր և մոր մասնակցությամբ լուսանկարներ, որոնք միանգամից գրավել են օգտատերերի ուշադրությունը։
Twitter-ի օգտատերերը ողջունել են առաջին անգամ Նյու Դելիում գտնվող իր նստավայրն այցելած մոր լուսանկարները սոցցանցերում կիսելու Մոդիի որոշումը, գրում է BBC-ն։
Հիրաբեն Մոդին, որն 90-ն անց է, ընտանիքի հետ բնակվում է Մոդիի հայրենի Գուջարաթ նահանգում։
Վարչապետը Twitter-ի իր միկրոբլոգում գրել է, որ բավական ժամանակ է անցկացրել մոր հետ՝ երկար ընդմիջումից հետո։
«Մայրս վերադարձավ Գուջարաթ։ Նրա հետ բավական ժամանակ անցկացրի բավական երկար ընդմիջումից հետո»,- գրել է Հնդկաստանի վարչապետը։
Նշենք, որ Մոդին վարչապետ է դարձել 2014 թվականին։
