Լոնդոնի «Չելսին» իտալական «Ռոմային» նոր առաջարկ է կատարել բելգիացի կիսապաշտպան Ռաջա Նայնգոլանի համար,- տեղեկացնում է «Daily Star»-ը:
Ավելի վաղ հաղորդվում էր, որ «կապույտները» բելգիացու համար առաջարկել են 35 մլն եվրո, սակայն այժմ այդ գումարը հասել է 42-ի:
Նայնգոլանի ծառայություններով անձամբ հետաքրքրված է «ազնվականների» ապագա գլխավոր մարզիչ Անտոնիո Կոնտեն:
«Չելսին» փորձելու է կիսապաշտպանի տրանսֆերն իրականացնել մինչեւ Եվրոպայի առաջնության մեկնարկը: