Շվեյցարական դատարանը վճռել է, որ Թունիսի 21-ամյա քաղաքացին բնավ ջերմ զգացմունքներ չի տածում 71-ամյա հարսնացուի հանդեպ:
Ինչպես տեղեկացնում է Lenta.ru-ն` քննության վարկածով` երիտասարդ տղամարդուն հետաքրքրում է միայն տեղի քաղաքացիություն ստանալու հնարավորությունը:
Ի պատասխան իր հասցեին հնչած քննադատության` կինը նշել է, որ փեսացուի հետ իրենք շատ ընդհանուր հետաքրքրություններ ունեն, իսկ նման ամուսնության մեջ որևէ հանցավոր բան չկա: «Մենք երկուսս էլ սիրում ենք ռեփ, զբոսանք բնության գրկում, և մենք միանման հետաքրքրություններ ունենք», - ասել է շվեյցարուհին:
Թունիսցին և շվեյցարուհին ծանոթացել են երեք տարի առաջ համացանցով, իսկ առաջին անգամ հանդիպել են անցյալ տարի: Կինը ժամանել է փեսացուի հայրենիք, որպեսզի ամուսնության մասին հայտ ներկայացնի: