Գերմանական Novitec Torado թյունինգային ընկերությունը վերամշակվան է ենթարկել Lamborghini Aventador սուպերքարի SV «գերհզոր» տարբերակը:
Ինչպես ներկայացնում է Motor.ru-ն` կուպեն թափքի նոր դիմամաս է ստացել, իսկ շարժիչի հզորությունն ավելացել է 36 ձիաուժով:
Վերամշակման աշխատանքներից հետո 6.5 լիտր ծավալային V12 ատմոսֆերային շարժիչի հզորությունը 750 ձիաուժից հասել է 786-ի: Նշվում է, որ մեքենայի դինամիկ բնութագրիչները չեն գաղտնազերծվում: Aventador SV սերիական մոդելը 100 կմ/ժամ արագությունը զարգացնում է 2.8 վայրկյանում, իսմ մեքենայի առավելագույն արագությունը կազմում է 350 կմ/ժամ:
Novitec Torado-ի կուպեն արտաքնապես տարբերվում է բնօրինակ մոդելից. այն ներկայանում է առավել բարդ ածխածնային թափքով, ներառյալ` նոր դիմացի թափարգելը և մեծացված հակաթևը:
Lamborghini Aventador SV կուպեի դեբյուտը տեղի էր ունեցել 2015-ի մարտին` Ժնևի ավտոսրահում: Նույն տարվա օգոստոսին թողարկվել էր ռոդստեր տարբերակը:
