Դորտմունդի «Բորուսիայի» նախկին ավագ, գերմանացի պաշտպան Մատս Հումելսը պաշտոնապես դարձավ Մյունխենի «Բավարիայի» ֆուտբոլիստ:
Գերմանիայի ազգային հավաքականի 27-ամյա պաշտպանը մյունխենյան ակումբի հետ կնքել է 5-ամյա պայմանագիր:
Կողմերը գործարքի մասին հայտարարել էին 2 շաբաթ առաջ:
«Դժվարությամբ եմ լքել «Բորուսիան»: Հիմա ես պարզապես ուրախ եմ, որ հայտնվել եմ «Բավարիայում»: Անհամբերությամբ սպասում եմ գալիք մրցաշրջանին»,- Հումելսի խոսքերն է մեջբերում «Բավարիայի» պաշտոնական կայքը:
