Մյունխենի «Բավարիայի» կիսապաշտպաններ Սեբաստիան Ռոդեն ու Պյեր-Էմիլ Հյոյբերգը, ինչպես նաեւ մարոկկացի պաշտպան Մեհդի Բենատին ստիպված կլինեն նոր ակումբներ փնտրել,- հաղորդում է «TZ»-ն:
Աղբյուրի համաձայն՝ ապագա գլխավոր մարզիչ Կարլո Անչելոտին հույսեր չի կապում նրանց հետ: Ավելի վաղ Հյոյբերգը հայտնել էր, որ մտադիր է ամռանը տեղափոխվել այլ ակումբ: Ավարտված մրցաշրջանում նա վարձավճարով հանդես էր եկել Գելզենկիրխենի «Շալկեում»:
Մատս Հումելսին ձեռք բերելուց հետո Բենատիան նույնպես ապագա չունի գերմանական ակումբում: Ինչ վերաբերում է Ռոդեին, ապա նրա պայմանագիրը «Բավարիայի» հետ ավարտվում է 2018 թվականին: