ԱՄՆ-ի նախագահի հանրապետական թեկնածու Դոնալդ Թրամփը կարողացել է ստանալ անհրաժեշտ թվով պատվիրակների աջակցությունն ընտրություններում պաշտոնական առաջադրման համար:
Associated Press գործակալության տվյալներով` Թրամփին աջակցում է Հանրապետական կուսակցության 1238 պատվիրակ, այսինքն` անհրաժեշտ քանակից մեկով ավելի:
Կուսակցության հետ կապ չունեցող ոչ մեծ թվով պատվիրակներ, որոնք պարտավոր չեն քվեարկել որոշակի թեկնածուի օգտին, գործակալությանը հայտնել են, որ մտադիր են աջակցել Թրամփին կուսակցության հուլիսյան համագումարում:
Հանրապետականները, ինչպես սպասվում է, իրենց վերջնական թեկնածությունը պետք է առաջադրեն հուլիսին` Քլիվլենդում կայանալիք համաժողովում: