Մադրիդի «Ատլետիկոն» ցանկանում է ձեռք բերել պորտուգալական «Սպորտինգի» եւ Ալժիրի հավաքականի հարձակվող Իսլամ Սլիմանիին,-հաղորդում է AS-ը:
Աղբյուրի համաձայն՝ ակումբներն առաջիկայում կսկսեն բանակցությունները ֆուտբոլիստի տրանսֆերի հարցի շուրջ:
27-ամյա ֆուտբոլիստի ծառայություններով հետաքրքրված են նաեւ անգլիական «Մանչեսթեր Յունայթեդն» ու «Լեսթերը»:
Ընթացիկ մրցաշրջանում Սլիմանին մասնակցել է 38 խաղի եւ դարձել է 24 գոլի հեղինակ: