Ֆրանսիայի մայրաքաղաք Փարիզում տեղադրվել է մսային ուտեստներ վաճառող առաջին սարքը:
Ինչպես ընդգծում է Associated Press-ը` փարիզցիներին արդեն օրը 24 ժամ հասանելի է իրենց սիրելի բագետը և նրբուտեստները:
Վաճառքի մեքենան տեղադրվել է Փարիզի արևելյան Շարոն փողոցում: Այն պատկանում է L'ami Txulette մսի խանութի սեփականատերերին, ովքեր 40 000 եվրո են ներդրել ծրագիրն իրականացնելու գործում:
Մսի խանութի սեփականատեր ամուսինները նշել են, որ իրենց խանութը փակ է կիրակի և երկուշաբթի, իսկ մյուս օրերին աշխատում է մինչև 20:00-ն, որից հետո մարդիկ այլևս չեն կարող օգտվել խանութի ծառայություններից: Վաճառքի սարքը պետք է որպես լուծում ծառայի այս խնդրի համար: