Աշխատանքային օրվա առաջին տասը րոպեների ճիշտ օգտագործումը, մեծ հաշվով կանխորոշում է, թե ինչպիսի արդյունավետությամբ կանցնի օրվա մնացած մասը, գրում է Business Insider-ը և ներկայացնում 10 բան, որ անում են հաջողակ մարդիկ աշխատանքային ժամի առաջին տասը րոպեներին:
Ճիշտ ժամանակին ներկայանալ աշխատանքի վայր շատ կարևոր է: Շտապելով գալը կամ ուշանալը ազդում է օրվա հետագա ժամերի վրա, և հնարավոր է դա ձեզ սթրեսի մեջ պահի:
Չպետք է իրար խառնվել և լարվել: Եթե դուք աշխատում եք մի վայրում, որտեղ աշխույժ մթնոլորտ է, մի լարվեք, կենտրոնացեք և դուք կառավարեք իրավիճակը, ու թույլ մի տվեք, որ այն կառավարի ձեզ:
Ստեղծեք հարմարավետ պայմաններ: Վստահ եղեք, որ հարմար եք նստած, և այն պարագաները, որից հաճախակի եք օգտվում գտնվում են հասանելի տարածության վրա:
Պահպանեք գրասեղանի մաքրությունը: Շրջակա մաքրությունը «մաքուր և պարզ կպահի» ձեր միտքը:
Ձգվեք, կանգնեք և քայլեք: Մինչ աշխատել սկսելը, ձգեք մարմինը, կանգնած մնացեք մի քանի րոպե և քայլեք, նախքան նստած դիրք ընդունելը:
Առանձնացրեք առաջնահերթությունները: Գործը սկսելուց առաջ առանձնացրեք օրվա ամենակարևոր անելիքները և այն կհեշտացնի ձեր գործը:
Մի արեք մի քանի բան միաժամանակ: Եթե նույնիսկ ձեզ թվում է, թե ունենք այնքան էներգիա, որ կարող եք մի քանի գործողություն միանգամից անել, մի արեք, արդյունավետ չէ և «հետ է գցում» ձեր օրը:
