Ամերիկացի 3 ընկերներ ամռանը մտադիր են իրենց 4-րդ ընկերոջը, ով առողջական խնդիրներ ունի և չի կարողանում քայլել, հետիոտն արշավի տանել Եվրոպայում:
Ինչպես գրում է Daily Mail-ը` Ֆլորիդայում բնակվող Քևեն Չենդլերը ողնաշարի մկանային հյուծման պատճառով չի կարողանում շարժել վերջույթները, սակայն կենդանի է աշխարհը բացահայտելու նրա ձգտումը: Եվ քանի որ նա չի կարող ինքնուրույն ճամփորդել աշխարհով մեկ, նրա ընկերները որոշել են օգնել նրան:
Նրանք որոշել են իրականություն դարձնել Քևենի երազանքը` նրան տանելով 19-օրյա արշավի` ուսումնասիրելու եվրոպական վանքերն ու այգիները:
Ընկերների մտադրությունը կարող է խելահեղ թվալ, բայց նրանք մի անգամ արդեն արել են դա` 30 կգ կշռող ընկերոջը շալակած տանելով Հյուսիսային Կարոլինա:
