Armsport.am-ը գրում է.
«Չելսիի» կիսապաշտպան Էդեն Ազարը չի պատրաստվում երկարաձգել ակումբի ղեկավարության հետ պայմանագիրը, եթե անգամ նրան ամռանը թույլ չտան այլ ակումբ տեղափոխվել:
The Telegraph-ը հաղորդում է, որ Ազարի ծառայություններով լրջորեն հետաքրքրված Մադրիդի «Ռեալը» ցանկանում է հնարավորինս արագ ձևակերպել բելգիացու տեղափոխությունը, բայց չի ցանկանում 100 միլիոն ֆունտից շատ վճարել, քանի որ ֆուտբոլիստի պայմանագրի ժամկետը լրանալու է 2020 թվականին:
Վերոնշյալ աղբյուրի հաղորդմամբ՝ Ազարն անգամ չի պատրաստվում լսել «Չելսիի»՝ նոր պայմանագրի վերաբերյալ առաջարկները և բանակցություներ վարել: Ֆուտբոլիստի նման պահվածքն ակումբին կստիպի մտածել տրանսֆերը վաճառելու մասին, քանի որ 2020 թվականին Ազարն արդեն կարող է անվճար հեռանալ:
Հիշեցնենք, որ Էդեն Ազարը 2012 թվականին է 35 միլիոն եվրոյի դիմաց «Լիլից» տեղափոխվել «Չելսի»: Ընթացիկ մրցաշրջանում Ազարն Անգլիայի Պրեմիեր լիգայում մասնակցել է 32 հանդիպման, դարձել է 16 գոլի և 12 գոլային փոխանցման հեղինակ: