Մարոկկոյի իշխանությունները 9 մարդու են ձերբակալել «Իսլամական պետություն» ահաբեկչական խմբավորման հետ կապ ունենալու կասկածանքով: Ինչպես փոխանցում է РИА Новости-ն, այս մասին տեղեկացրել է երկրի ՆԳՆ-ն:
«Սինխուա» գործակալության տվյալներով` կասկածյալները գործունեություն են ծավալել Մարաքեշում և երեք այլ քաղաքներում և ահաբեկչություններ էին նախապատրաստում:
Երկրի ՆԳՆ-ում հայտարարել են, որ ձերբակալվածները ծրագրել էին միանալ ԻՊ-ին Լիբիայում և վերապատրաստում անցնել գրոհայինների ճամբարում:
2013-ից ի վեր տեղի հատուկ ծառայություններին հաջողվել է վնասազերծել ավելի քան 30 ահաբեկչական միավորումներ և կանխել բազմաթիվ հարձակումներ: