ԱՄՆ պետքարտուղար Ջոն Քերին Մոսկվայում բանակցությունների ժամանակ հայտնել է, որ ԱՄՆ նախագահ Բարաք Օբաման պատրաստ է չեղարկել Ռուսաստանի նկատմամբ սահմանված պատժամիջոցները, եթե Ուկրաինայի վերաբերյալ Մինսկի պայմանավորվածությունների բոլոր դրույթները կատարվեն, գրում է РИА Новости-ն:
«Ես կրկնել եմ նախագահ Օբամայի խոստումները, որ պատժամիջոցները կհանվեն, եթե Մինսկի պայմանավորվածությունների բոլոր կետերը կատարվեն, ներառյալ` բոլոր զորքերի դուրսբերումը և ուկրաինական սահմանի ինքնիշխանության վերադարձը»,- ասել է Քերին:
Նրա խոսքով՝ վերջին տարիներին Ռուսաստանի և ԱՄՆ-ի միջև տարաձայնություններ են եղել, սակայն առարկայական քննարկումները, ինչպիսին կայացած քննարկումներն են, դրական արդյունքների են հանգեցնում:
«Միշտ հարկ է ջանքեր ներդնել, որպեսզի փորձել և հասնել առաջընթացի»,- նշել է Քերին: