«Նապոլիի» և Արգենտինայի հավաքականի հարձակվող Գոնսալո Իգուաինը հայտնվել է «Չելսիի» տրանսֆերային հետաքրքրությունների առանցքում:
Ինչպես հայտնում է «Mediaset»-ը, լոնդոնյան ակումբը պատրաստ է 65 միլիոն եվրո վճարել ֆուտբոլիստի համար:
Հարկ է նշել, որ 28-ամյա խաղացողի ծառայություններով հետաքրքրված է նաև Մյունխենի «Բավարիան»:
«Նապոլին» փորձելու է թիմում պահել Իգուաինին՝ առաջարկելով նոր պայմանագիր, ըստ որի ընթացիկ մրցաշրջանում նեապոլական թիմի լավագույն ռմբարկուն տարեկան կստանա 7.8 միլիոն եվրո աշխատավարձ: