Տնտեսագետ Թաթուլ Մանասերյանը մտավախություններ չունի, որ Եվրասիական տնտեսական միությունից մեքենաների ավելացված արժեքի 20 տոկոսի վերացման դեպքում, Հայաստան ներկրվեն չափից դուրս անորակ ու բնապահպանական ստանդարտներին չհամապատասխանող մեքենաներ:
Tert.am-ի հետ զրույցում տնտեսագետը նկատեց. «Ես կարծում եմ, որ կառավարությունը ողջամիտ է ու նման բան չի կարող թույլ տալ, որ երկիրը վերածվի հին մեքենաների գերեզմանոցի, որովհետև Հայաստանը, առայժմ, փակուղային դիրք ունի, կիսաշրջափակված վիճակում է և հայտնի է, որ գալիս են այստեղ մեքենաներ, բայց դուրս գալը շատ հազվադեպ է լինում, գրեթե չեն լինում»:
Ըստ տնտեսագետի` հակառակը, Հայաստանը պետք է խթանի մի փոքր ավելի բարձր որակի ու ավելի արդիական սարքավորումներ ունեցող մեքենաների մուտքը Հայաստան: Ավելի խնայողական, ավելի քիչ արտանետումներ բաց թողնող:
Նշենք, որ նման մտահոգությունը առաջացել էր այն բանից հետո, երբ ՌԴ-ում աշխատող մի խումբ ՀՀ քաղաքացիներ, «գցել-բռնել էին, որ 5 հոգուց ամեն մեկի համար նվազագույնը 70 հազար դրամով ավիատոմս գնելու փոխարեն, ավելի էժան կլինի մեկ օգտագործված մեքենա գնել, բոլորով նստել ու գալ: Արդյունքում` և’ տոմս չեն գնի, և մեքենան կմնա»: