Բրազիլացի ֆուտբոլիստ Պելեն դատի է տվել հարավկորեական Samsung ընկերությանը՝ հեռուստացույցների գովազդում իր նմանակին օգտագործելու համար, գրում է NBC News-ը:
Որպես փոխհատուցում՝ մարզիկը մտադիր է հարավկորեական ընկերությունից պահանջել 30 միլիոն դոլար:
Հայցը ներկայացվել է ամերիկյան Չիկագո քաղաքի դաշնային դատարան՝ մարտի սկզբին: Հայցում նշվում է, որ 2015 թվականի հոկտեմբերին ընկերությունը The New York Times թերթում գովազդ է հրապարակել, որտեղ օգտագործել է 75-ամյա ֆուտբոլիստի նմանակին։
Մինչդեռ Samsung-ի ապրանքների առաջխաղացման համար մարզիկի կերպարի օգտագործման մասին բանակցությունները դադարեցվել էին 2013 թվականին: Ընկերությունը մերժում է ստացել Պելեի կերպարն օգտագործելու հարցում։
Գովազդում ուղղակիորեն չի նշվել Պելեի անունը, բայց պատկերված է եղել մարդ, որը «շատ նման է եղել» ֆուտբոլիստին, հստակեցրել է փաստաբան Ֆրեդ Սպերլինգը։