Լեռնային Ղարաբաղում ընթացող ծանր մարտերը լուրջ սպառնալիք են ներկայացնում տարածաշրջանում խաղաղության և կայունության համար: Այս մասին ասվում է Լատվիայի ԱԳՆ հայտարարության մեջ:
Հաղորդագրության մեջ նշվում է, որ Լատվիայի ԱԳՆ-ն կոչ է անում երկու կողմերին անմիջապես դադարեցնել ռազմական գործողությունները և վերականգնել հրադադարը: Կողմերը պետք է խուսափեն յուրաքանչյուր գործողությունից կամ հայտարարությունից, որոնք կարող են հանգեցնել հակամարտության հետագա սրման:
ԱԳՆ-ն ափսոսանք է հայտնում զոհերի կապակցությամբ և ցավակցում վիրավորների ու զոհերի ընտանիքներին:
Լատվիայի ԱԳՆ-ն ամբողջությամբ սատարում է ԵԱՀԿ Մինսկի խմբի և համանախագահների ջանքերին` վերականգնելու հրադադարը:
ԱԳՆ-ն կողմերին կոչ է անում պահպանել հրադադարի ռեժիմը, զերծ մնալ ուժի կիրառումից և վերսկսել Լեռնային Ղարաբաղի հակամարտության խաղաղ լուծմանն ուղղված ջանքերը:
↧
Լատվիայի ԱԳՆ-ն կոչ է արել խուսափել իրավիճակի սրումից
↧