Կիպրոսի իշխանությունները համաձայնել են Եգիպտոսին հանձնել Սաիֆ էդ Դին Մուստաֆային, ով մեղադրվում է EgyptAir ավիաընկերության ինքնաթիռը մարտի վերջին առևանգելու համար, գրում է BBC-ն:
A320 ինքնաթիռը, որն իրականացնում էր Ալեքսանդրիայից Կահիրե չվերթը, առևանգվել է մարտի 29-ին՝ անմիջապես թռիչքից հետո, և այնուհետև վայրէջք է կատարել Կիպրոսում՝ Լառնակայում:
Ուղևորներին հաջողվել է լքել ինքնաթիռը, իսկ հենց առևանգողին, որի վրա եղել է մահապարտի կեղծ գոտի, շուտով ձերբակալել են հատուկջոկատայինները։
58-ամյա Մուստաֆան, որոշ տվյալներով, եղել է անկառավարելի վիճակում։ Կիպրոսի ոստիկանությունը հայտարարել է, որ վերջինս խոստովանել է իր արարքը:
Ինքնաթիռի առևանգման պատճառը, իբր, եղել է նախկին կնոջ հետ վեճը, ով ապրում է Կիպրոսում:
Եգիպտոսը, որի քաղաքացին է Մուստաֆան, պահանջել է արտահանձնել նրան։