Ադրբեջանի առաջին տիկին Մեհրիբան Ալիևայի անունից ղարաբաղա-ադրբեջանական հակամարտ զորքերի շփման գծում տեղի ունեցած ռազմական գործողությունների հետևանքով զոհված ադրբեջանցի զինծառայողների հիշատակի արարողություն է կազմակերպվել։
Ուշադրության է արժանի այն փաստը, որ Բաքվում կայացած միջոցառմանը ներկա եղած, իրենց որդիներին ու ամուսիններին կորցրած կանանց, ինչպես նաև վիրավոր զինծառայողների մայրերի թիվն ակնհայտորեն գերազանցում է Ադրբեջանի իշխանությունների ներկայացրած զոհերի պաշտոնական թվին։
azertag.az կայքի հրապարակած լուսանկարները վկայում են, որ իրականում Ադրբեջանը վերջին զարգացումների հետևանքով ունեցել է ոչ թե երեք տասնյակ, այլ ավելի շատ կորուստներ։
