Իրանը և Հնդկաստանը համաձայնագիր են ստորագրել գազային հանքավայրի մշակման և նավթավերամշակման գործարանների կառուցման մասին: ТАСС-ի փոխանցմամբ` այս մասին տեղեկացրել է «ԻՐՆԱ» իրանական գործակալությունը:
«Իրանի նավթի նախարար Բիժան Նադմար Զանգանեն և նրա հնդիկ գործընկեր Դհարմենդրա Պրադհանը շաբաթ համաձայնագիր են ստորագրել նավթավերամշակման գործարանների կառուցման և գազային հանքավայրի մշակման, ինչպես նաև նավթի և նավթամթերքի արտահանման մասին», - ասվում է հաղորդագրության մեջ:
Ձեռնարկությունները կկառուցվեն Պարսից ծոցի ափերին տեղակայված Չաբահար իրանական նավահանգստի արդյունաբերական գոտում:
Ներկայում Իրանը օրական կտրվածքով 350 000 բարել նավթ է մատակարարում Հնդկաստանին: