ԱՄՆ պետքարտուղար Ջոն Քերին Քաբուլում Աֆղանստանի նախագահ Աշրաֆ Գանի Ահմադզայի հետ հանդիպումից հետո «Թալիբան» շարժմանը խաղաղ բանակցությունների կոչ է արել:
«Մենք զրուցել ենք մեր ընդհանուր նպատակի մասին, որը խաղաղ բանակցություններ սկսելն է: Մենք կոչ ենք անում թալիբներին խաղաղ գործընթացի մասնակից դառնալ, լեգիտիմ գործընթացի, որը կոչված է վերջ դնելու բռնությանը: Խաղաղության հույս, իհարկե, կա», - ասել է Քերին:
ԱՄՆ դիվանագիտության ղեկավարը, խոսելով երկրում ամերիկյան զորքերի ներկայության մասին, նշել է նաև, որ այդ մասին որոշում նախագահ Բարաք Օբաման կկայացնի` ելնելով Աֆղանստանում գտնվող հրամանատարության գնահատականից: