Հայ համայնքի մեծ ու փոքր ներկայացուցիչները հավաքվել են ՄԱԿ-ի գրասենյակի մոտ Նյու Յորքում և շրջապատել են Ադրբեջանի հյուպատոսության անկյունը` հայտնելով իրենց բողոքը Ադրբեջանի ագրեսիայի դեմ:
Ինչպես հայտնում է The Armenian Weekly-ի ֆեյսբուքյան էջը` ցույցը մեկնարկել է 1 ժամ առաջ: Բողոքի ցույցի մասնակիցները պահանջում են վերջ դնել ադրբեջանական ագրեսիային և ճանաչել Լեռնային Ղարաբաղի անկախությունը:
Պարբերաբար հնչում են «Մարտակերտը հայկական է», «Թալիշը հայկական է», «Հադրութը հայկական է», «Ճանաչեք Ղարաբաղը, ճանաչեք հիմա» վանկարկումները: