Հոլիվուդի ամենահեռանկարային դերասանուհիներից մեկը` Ջենիֆեր Լոուրենսը, կնկարահանվի տաղանդաշատ ռեժիսոր Սթիվեն Սփիլբերգի նոր ֆիլմում։
Ինչպես նշում է Al Arabiya-ն, օսկարակիր շիկահերը կմարմնավորի հայտնի ռազմական լուսանկարչուհի Լինսի Ադարիոյին, ով իր ոլորտի պրոֆեսիոնալներից է։
Ռազմական լուսանկարչուհին, վտանգելով սեփական կյանքը, իր ֆոտոխցիկի միջոցով աշխարհին է ներկայացրել Աֆղանստանում, Իրաքում ու հակամարտության այլ թեժ գոտիներում կատարվող սարսափները։
«Ես երբեք չեմ ցանկացել ու նպատակ չեմ ունեցել լուսաբանել պատերազմները, սակայն կյանքի բերումով տրվեցի այդ գործին ու չկարողացա կանգ առնել նույնիսկ մայրանալուց հետո»,-ասել է կինը:
Վերջերս ծագումով իտալուհի Ադարիոն կենսագրական գիրք է գրել, որը հետաքրքրության բավական մեծ ալիք է բարձրացրել։
