Ճապոնական Օսակա քաղաքում 6-ամյա աղջիկը ցած է նետվել 43-րդ հարկում գտնվող իրենց տան պատուհանից։ Մինչ այդ նա դիտել է թռչել կարողացող երեխաների մասին մուլտֆիլմ։
Ինչպես նշում է The Guardian-ը, աղջնակը մուլտֆիլմը դիտելիս է եղել ընտանիքի մյուս անդամների հետ, սակայն որոշ ժամանակ անց հայրը նկատել է, որ երեխան չկա։
Վայրկյաններ անց ընտանիքի անդամները երեխային գտել են պատշգամբի 1 մետրանոց ճաղավանդակին կանգնած։ Դրանից հետո փոքրիկը, ցանկանալով կրկնօրինակել մուլտհերոսներին, նետվել է ցած։
Ելնելով անվտանգության նկատառումներից` իրավապահները հրաժարվել են հրապարակել այն մուլտֆիլմի անվանումը, որը դարձել է փոքրիկի մահվան պատճառ։