Ռուսաստանի զինուժը սիրիական Պալմիրայում դաշտային հոսպիտալ է ստեղծում, որտեղ ՌԴ զինծառայողներից բացի կարող են դիմել նաև տեղի բնակիչներն ու ուժային կառույցների ներկայացուցիչները։
Ինչպես տեղեկացնում է gazeta.ru-ն, այդ մասին հայտնել է Ռուսաստանի պաշտպանության նախարար, բանակի գեներալ Սերգեյ Շոյգուն։
Նրա խոսքով՝ հոսպիտալը հագեցած է ժամանակակից բուժական սարքավորումներով։
«Անհրաժեշտության դեպքում այստեղ կարող են դիմել ինչպես սիրիացի զինծառայողները, այնպես էլ բնակիչները, որոնք սկսել են վերադառնալ Պալմիրա»,-ասել է ռազմական գերատեսչության ղեկավարը։