Սանկտ Պետերբուրգի ոստիկանությունը ձերբակալել է մի տղամարդու, որը սիրելիի ձեռք խնդրելու էր գնացել ծաղկեփնջով ու կացնով. հայտնում է gazeta.ru-ն։
Նշվում է, որ տղամարդը ներխուժել է հագուստի խանութ, որտեղ հույս է ունեցել գտնել այն աղջկան, ում չի տեսել արդեն 10 տարի, և առաջարկություն անել։
«Խանութում նրան անծանոթ կանայք են եղել, ինչից հետո տղամարդը սկսել է թափահարել կացինն ու պահանջել, որ զանգեն իր սիրելիին։ Նա աղջկա համարն անգիր է իմացել»,-հայտնել են ոստիկանությունից։
Դեպքի վայր են ժամանել ոստիկանության աշխատակիցները։ Տղամարդը ներկայացել է որպես Ջոֆրեյ, սակայն պարզվել է, որ իրականում նա Պաշան է։
Հաջողվել է կապ հաստատել նաև աղջկա հետ։ Նա հայտնել է, որ այդ տղամարդու հետ հանդիպել է 10 տարի առաջ։ Մի քանի շաբաթ առաջ նա իրեն սեր է խոստովանել։