Եվրոպական հանձնաժողովի Միգրացիայի հարցերով բաժնի ղեկավար Մարտա Սիգանը հայտարարել է, որ Անկարան իրականացրել է Թուրքիայի և ԵՄ-ի միջև վիզային ռեժիմի չեղարկման համար անհրաժեշտ պահանջների փոքր մասը միայն. հայտնում է Reuters-ը։
Ելույթ ունենալով Եվրախորհրդարանի առաջ՝ Սիգանը նշել է, որ թուրքական իշխանությունները բավարարել են ԵՄ-ի 72 պահանջներից միայն 35-ը, որոնք անհրաժեշտ են վիզային հարցի ազատականացման համար։
«Թուրքական իշխանությունները որոշակիորեն արագացնելու են վարչական ու օրենսդրական միջոցառումների անցկացումը, ինչի շնորհիվ կկարողանան իրականացնել պահանջները»,-ասել է նա։
Ավելի վաղ Թուրքիայի վարչապետ Ահմեթ Դավութօղլուն հայտարարել էր, որ Անկարան չի հետևելու ԵՄ-ի հետ համաձայնագրի պայմաններին, եթե դաշինքը չիրականացնի Թուրքիայի հետ վիզաների չեղարկման մասին որոշումը։