Մադրիդի «Ռեալի» գլխավոր մարզիչ Զինեդին Զիդանը հաստատել է, որ թիմի հարձակվող Կրիշտիանու Ռոնալդուն չի կարող մասնակցել Իսպանիայի առաջնության 35-րդ կայանալիք «Ռայո Վալեկանոյի» դեմ հանդիպմանը:
Բացի այդ, ֆրանսիացի մասնագետը նշել է, որ «Ոսկե գնդակի» եռակի դափնեկիրը կարող է մասնակցել Չեմպիոնների լիգայի կիսաեզրափակչի՝ անգլիական «Մանչեսթեր Սիթիի» դեմ առաջին հանդիպմանը:
«Ռոնալդուն ցանկանում էր մասնակցել «Ռայոյի» դեմ հանդիպմանը, սակայն գիտակցում էր, որ վնասվածք ունի: Նրա մոտ ամեն ինչ կարգին է, եւ ես կարծում եմ, որ պորտուգալացին կմասնակցի «Մանչեսթեր Սիթիի» դեմ հանդիպմանը:
Լինելով հասուն ֆուտբոլիստ՝ նա շարունակում է օգնել ակումբին: Այսպիսի մարզավիճակում նա անկասելի է»,- ֆրանսիացի մասնագետի խոսքը մեջբերում է «AS»-ը: