Դայկո անունով շունն օգնել է էկվադորցի փրկարարներին երկրաշարժի հետևանքով փլուզված տների փլատակների տակ 7 մարդու հայտնաբերել և փրկել, ինչից հետո կենդանին ինքը սատկել է ջրազրկումից:
Այս մասին հայտնում El Universo պարբերականը` վկայակոչելով հրշեջ ծառայության ֆեյսբուքյան էջը: Փրկարարները փորձել են վերակենդանացնել իրենց օգնականին, սակայն ապարդյուն: Փրկարարներն իրենց շնորհակալությունն են հայտնել մարդկանց փրկության համար իրեն զոհած 4-ամյա ոսկեգույն լաբրադորին: Շունը փրկարարական բաժնում ծառայում էր արդեն երեք տարի:
Էկվադորի նախագահ Ռաֆայել Կոռեան հայտարարել է, որ անցյալ շաբաթ օրը տեղի ունեցած 7.8 մագնիտուտ ուժգնության երկրաշարժի զոհերի թիվը հասել է 646-ի, ևս 130 մարդ անհետ կորած է համարվում: Նախագահի խոսքով` 12 500 մարդ վնասվածքներ են ստացել: